கிருஷ்ணாவதாரத்தில் 'டவுட்' டுங்கோ!!

ஆசிரியர் மாணவர்களுக்குக் கிருஷ்ண பகவானின் அவதார மகிமையைப் பற்றிய பாடம் நடத்திக்கொண்டிருக்கிறார்.

"கம்சனுடைய தங்கைக்கு எட்டாவதாகப் பிறக்கும் குழந்தை கம்சனைக் கொல்லும். இது விதி என அசரீரி கூறுகிறது. இதைக் கேட்டு ஆத்திரமடைந்த கம்சன் வாசுதேவனையும், தேவகியையும் ஒரு சிறையில் அடைக்கிறான்.

முதல் குழந்தை பிறக்கிறது. கம்சன் அதை விஷம் கொடுத்துக் கொல்கிறான். சிறிது காலம் கழித்து இரண்டாவது குழந்தை பிறக்கிறது. கம்சன் அதை மலை உச்சியிலிருந்து தூக்கிப்போட்டுக் கொன்றுவிடுகிறான். மேலும் சில காலம் கழித்து மூன்றாவது குழந்தை பிறக்கிறது. அதை..." ஆசிரியர் பாடம் நடத்திக்கொண்டே போக, ஒரு மாணவன் எழுந்து கேட்கிறான்.

"சார் கிருஷ்ணாவதாரத்தில ஒரு சந்தேகம்"

"என்னப்பா சந்தேகம்? கிருஷ்ணாவதாரத்தில் மொத்த இந்தியாவுக்கும் வராத சந்தேகம் உனக்கெப்படி வந்தது? சொல்லுப்பா".

"சார்! தங்கைக்குப் பிறக்கப்போகும் எட்டாவது குழந்தைதான் கம்சனைக் கொல்லும் அப்படிங்கறது கம்சனுக்குத் தெரியும்தானே?"

"ஆமா! அதிலென்ன சந்தேகம்"?

"அப்புறம் எதுக்கு சார் இந்த கம்சன் வாசுதேவனையும், தேவகியையும் ஒரே சிறைக்குள்ள அடைக்கிறான். அவனுக்கு வெவரம் பத்தாதோ?"

உயர்ந்த செய்தி...................

அதிக உயரத்தில் இருந்து விழுந்து பிழைத்த சாதனைக்கு சொந்தக்காரர் வெஷ்னா உலோவிக். 1972-ம் வருடம் அவர் பணிபுரிந்த யுகோஷ்லோவிய விமானம் ஒரு குண்டு வெடிப்பில் சிதற 33,316 அடி உயரத்திலிருந்து விழுந்து பிழைத்தார் இவர்.

அமெரிக்க குசும்பு............

எதேச்சையாக பார் ஒன்றில் நுழைந்த ஒருவனுக்கு அதிர்ச்சி.உற்சாக பானத்தில் மிதந்து கொண்டிருந்த இரு ஆசாமிகளும் அசப்பில் ஜார்ஜ் புஷ்சை போலவும் அவரது பாதுகாப்பு அமைச்சரை போலவும் தெரிய வெயிட்டரிடம் அது அவர்கள்தானா என்று விசாரிக்க,
அதுகளே! என்றார் வெயிட்டர்.
உற்சாக மிகுதியில் துள்ளிக்குதித்த அவன்.
"ஹலோ புஷ்.....நீங்கள் எதைப்பற்றி இவ்வளவு சீரியசாக விவாதித்துக் கொண்டு இருக்கிறிர்கள்" என்றான்.
"நாங்கள் அடுத்து வரப்போகும் மூன்றாம் உலகப்போரைப் பற்றி விவாதித்துக் கொண்டு இருக்கிறோம்" என்றது புஷ்
"அதில் என்ன செய்வதாக உத்தேசம்"என்றான் அவன்.
"இந்த முறை ஒரு கோடி ஈராக்கியர்களையும் ஒரு அழகியையும் கொல்லப்போகிறோம்"என்றார் புஷ்.
உடனே உணர்ச்சிவசப்பட்ட அவன்"அந்த அழகியை எதற்காக கொல்லப்போகிறிர்கள்"என்றான் கோபமாக.
"டேய் மச்சான்! நான் சொல்லலை.இவனுங்க அந்த ஒரு பொம்பளையை பத்தி மட்டும்தான் கவலை படுவானுங்க,ஒரு
கோடி ஈராக்கியர்களை பத்தி கேக்க மாட்டானுங்க" என்றாராம் புஷ் தனது பாதுகாப்பு அமைச்சரிடம்.

மன்னர்--பராக்!!!!!!

அமைச்சர் : அழகு இருக்குமிடத்தில் ஆபத்தும் இருக்கும் என்பது சுத்த பொய் மன்னா.
மன்னர் : எப்படி அமைச்சரே!
அமைச்சர் : உங்களை சுற்றிக்கூடத்தான் எப்போதும் ஆபத்து இருக்கிறது..........

********************************************************************************************
அமைச்சர் : மன்னா தங்களை காண எதிரி நாட்டு மன்னன் படையுடன் வந்துள்ளான் ...
மன்னர் : அப்படியா அமைச்சரே! உடனே சுரங்கப்பாதை வழியை திறவுங்கள்
அமைச்சர் : அந்த கிராதகன் சுரங்கப்பாதை வழியாகத்தான் வருகிறான் மன்னா.................

சிரிக்க.....சிந்திக்க.....

மனிதன் : முதலில் கோழி வந்ததா? முட்டை வந்ததா?

கோழி : எது வந்தாலும் நீங்கள் விட்டு வைக்க போவதில்லை..அப்புறம் என்ன ஆராய்ச்சி..

மனிதன் : ?????????

ஒரு இன்ச் சிரிக்கலாம்...........

ஒருவர்: உங்க அம்மாவுக்கும் மனைவிக்கும் சண்டை வந்தால் நீங்க யார் பக்கம் இருப்பிங்க
மற்றவர்: பீரோவுக்கு பின் பக்கம்.

புலவர் : போரையே சந்திக்காத மன்னா!!!
மன்னர் : ஆஹா!! அற்புதம்.....
புலவர் : போர் வந்தால் நீ ஆயிடுவே மண்ணோடு மண்ணா!!!!
மன்னர் : ????????

ஒஷோ--பக்கம்

வேலை முடிந்து வீடு திரும்பிய ஒருவன் வீட்டு கூரை மேல் ஒரு பெரிய குரங்கு அமர்ந்திருப்பதை பார்த்து அரண்டு போய் விட்டான். அதை அங்கிருந்து எப்படி துரத்துவது? என்கிற யோசனையுடன் வீட்டு கதவை சாத்திக் கொண்டவன் கண்ணில் பட்டது அந்த புத்தகம்.,
குரங்குகள் தொல்லையிலிருந்து தப்புவது எப்படி? என்ற அந்த புத்தகத்தை புரட்டியவனுக்கு அதற்கென தனி படை இருப்பதை அறிந்து அதில் குறிப்பிட்ட தொலைபேசி எண்ணை அழுத்த....அடுத்த சில நொடிகளில் வருகிறான் ஜார்ஜ் கூடவே
ஒரு பெரிய நாயுடன்.,
இதை மேலிருந்த குரங்கு வெகு அமைதியாய் பார்ர்த்து கொண்டிருக்கிறது.,
ஜார்ஜ் கையில் ஒரு வாழைப்பழமும் மற்றொரு கையில் பட்டாம்பூச்சியை பிடிக்கும் வலையும் வைத்திருக்க,
குரங்கு பிடிக்க எதற்கு இதெல்லாம் எதற்கு? என்று வினவுகிறார் வீட்டு உரிமையாளர்.,
இது மட்டுமில்லை என்று காருக்குள்ளிருந்து ஒரு பெரிய துப்பாக்கியை எடுக்கிறான் ஜார்ஜ்.,இதையும் அசட்டையாக
பார்த்து கொண்டிருக்கிறது குரங்கு.,
குழம்பி போன வீட்டுகாரருக்கு விளக்க துவங்குகிறான் ஜார்ஜ்.,"முதலில் இந்த வாழைப்பழத்தை எடுத்து அந்த குரங்குக்கு
வீசுவேன். அது சாவகசமாக உரித்து சாப்பிடும் போது கூரை மீது ஒரே ஜம்ப்.அவ்வளவுதான் சத்தமில்லாமல் அந்த குரங்கின்
பின்புறம் போய் விடுவேன்.,
"அப்புறம்" என்கிறார் வீட்டுகாரர்.
அது சாப்பிடும் நேரமாய் பார்த்து பின்னாலிருந்து ஒரே தள்ளு.அவ்வளவுதான் குரங்கு கூரையிலிருந்து உருண்டு கீழே
விழுந்து விடும்.,
"அப்புறம்" என்கிறார் ஆச்சரியம் தாளாமல் குரங்கு பிடிக்கக் கூப்பிட்டவர்.
அப்புறமென்ன அங்கத்தானே இருக்கு நம்ம கிளைமாக்ஸே.இந்த நாய் இருக்கே இது சாதாரண நாய் இல்லை.யார் கீழே
விழுந்தாலும் குதறி எடுக்க வேண்டியதை குறி வைத்து குதறி எடுத்து விடும் அப்படி ஒரு டிரெயினிங் குடுத்திருக்கோம் இந்த நாய்க்கு.
இது குரங்கிடம் எதை குதற வேண்டுமோ அதை குதறிக்கொண்டிருக்கும் வேலையாய் பார்த்து நீங்கள் சத்தமில்லாமல்
இந்த பட்டாம்பூச்சியை பிடிக்கும் வலையை வீசி ஒரே அமுக்காக அமுக்கிவிட வேண்டியதுதான் குரங்கை.
"எப்படி நம்ம திட்டம்" என்றான் ஜார்ஜ் கர்வத்துடன்.
கொஞ்சம் புரிந்த மாதிரியும் கொஞ்சம் புரியாத மாதிரியும் இருக்க "எல்லாம் சரி ஆனா..... இந்த துப்பாக்கி எதுக்குன்னு
தான் புரியலை" என்றார் அப்பாவியாக
"என்ன துப்பாக்கி எதற்கா? ஒருவேளை அந்த குரங்கு விழாமல்.,அதற்கு பதிலாக நான் தப்பித்தவறி விழுந்துட்டேன்னா..
இந்த நாயை சுட்டுக் கொல்றதுக்குத்தான் என்றானம் ஜார்ஜ்.,